تبلیغات
داستان های زیبا شعرهای جذاب - داستان یکی از دهستانهای لاهیجان
 
درباره وبلاگ


------------------------------------------
به وبلاگ ما خوش آمدید دوستان
ـــــــــــــــــــــــــــــــــــــــــــــــــــــــ
لطفا کپی پیست نکنید چون نشانه
بی شخصیتیه شماست
ـــــــــــــــــــــــــــــــــــــــــــــــــــــ
برای استفاده از مطالب بامدیریت
درمیان بگذارید
ـــــــــــــــــــــــــــــــــــــــــــــــــــــ
به نظرات هم حتما رسیدگی میشه

مدیر وبلاگ : وحید سه برادری
موضوعات
صفحات جانبی
نظرسنجی
اخلاق تو چجوری هست ؟؟؟






اخلاق تو چجوری هست ؟؟؟






جستجو

آمار وبلاگ
  • کل بازدید :
  • بازدید امروز :
  • بازدید دیروز :
  • بازدید این ماه :
  • بازدید ماه قبل :
  • تعداد نویسندگان :
  • تعداد کل پست ها :
  • آخرین بازدید :
  • آخرین بروز رسانی :
داستان های زیبا شعرهای جذاب
خوش آمدید مهمان




سیب گول! سیب گول! بوتَم بوشو پیاز بَر بوشُوی؟ تَاتی بکون د ِ لاکو ،شو دَکَته!
- شُودرم اَبجی،رختون ِ دَرگِندبوم
هنو هوا مهین بو ،سیب گول ِ دراز ِ توئَن سبزن ِ مئن رقص کونوُن راه دَکته، باهار ِ هوا همیشک سیب گول ِ حال ِ یه جور دیگرا گود،بداری ابروُن ِ سر راه شودرَ. این ِ دیل خَاس از صوب تا شُو فقط بودوُیی چایی باغون ِ مئن .اَنقد بودوُیی تا چایی کینَن ِ دیشو ِ اَیاز این ِ داموُن ِ ترَا کونی، این ِ دس دنّه بو،خیلی خو حواس ِ جمعا گودِ کی یواشِی راه بشی اما اگه این ِ حواس انِّی پرتابو بی مومکین بو یدواری بودویی.
- وای! خَاک ِ می سر! پیلایی لاکو مگه دُو کونه؟ موردیم چی گونَن؟ گونن ای مش اسدولله خُون ِ لاکوگ ِ حال دوروس نیه یَا ،لاکو چه دُو کونه؟
سیب گول ِ خنده بیته ،خو حواس ِ جمعَا گود ِ .
-امّا ایمرو ندونم چه می دیل ِ مئن هیچی قرار نگینه، خودایا ! تو ایمرو بومَی می دیل ِ مئن؟ نکونه هنده می حواس پرتابی دُو بکونم .
سیب گول ِ داموُن هیتو سبزَن ِ سر رقاصی کَادبو.
-چایی باغ ِ راه چره هنگزه درازَا بو؟
خسی زودتّه بشی تیلمار ِ بونَا جی پیاز بَاری. سیب گول ِ دراز ِ توئن تونته راه بوشُو. حجی میرزا خُونه د ِ آخری خُونه ای بو که سیب گول خَاس ردّا کونی تا چایی باغ ِ برسی ، خو حواس ِ شیش دونگ ِ جمعَا گوده ، یواشِی حجی میرزا خونه ردَّا گوده ،سیب گول ِ دراز ِ توئن اون قشنگ دس ِ همرَه جُور بومَا تا بوتوُنی بلته سرَا جی واز بکونی.بداری پرایتَه .هنو این ِ دوتّه لگ زمین ِ سر نرسه بو که بودوُسه .دِ چایی باغ ِ برسه بو ، این ِ خیال راحتَا بُو بو که هیچکس این ِ نَینه .بودُوسه چایی باغون ِ مئن . چایی باغ ِ هنو شی دبو ،سیب گول دراز ِ توئن ،چایی باغ ِ شی همرَه ترَ بُو.سیب گول پرایتبو بدارِی.
-خودایا !می دیل ِ مئن ایمرو چی بنَی؟
هوتو دُوسدبو که بفمسه بداری یه نفر نفس صدا ایشتوسره .بیسَه وگردسه .حجی میرزا کوشتَی ریکَای بو،سیب گول ِ پوشت ِ سر دُوسدبو .اون ِ لاغر ِ جون ِ سیوید ِ پیرَن ِ همره مهین ِهوا مئن دِ شاس .بداری یکته سیوید ِ کفتر ابرُون ِ سر پر زِدرَا .
سیب گول بیسَا و حجی میرزا ریکَا گِ نیگا بوده ، این ِ یَا دَا شوبو کی او ریکَا گ ،هوتُو ایسَان و اون ِ نیگا گودن عَیبَه.
حجی میرزا ریکَای سیوید ِ پیرَن دُوده خو قدمُون ِ آرُومَا گوده،سیب گول هوتُو اینه نیگا کَادبو.سیب گول ِ کی نزدیکَا بُو ،این ِ سورخ ِ جولُون ِ دِ شاس .بوته:" کُو شُودری؟ "
سیب گول ِ جون ِ بداری آتش بزنَا ،لرزُون ِ صدا همره بوته:" شودرم پیاز بَارم "
این ِ سیا چومن کی دکته حجی میرزا ریکَاگ ِ کاس ِ چوشمن ِ مئن ،بداری یچی این ِ دیل ِ مئن بکنده ببُو .دِ نتونسه قرار بگیری .بدُوس ِ . پریته . دُونس حجی میرزا ریکَای الان این ِ نیگا گودر ِ.بداری این ِ دیل مئن دِ هیچی ننّا بو.بفمسه ایمرو چره این ِ دیل قرار نگیت .ایمرو سیب گول خَاسی عاشیقَا بی.

به زودی ترجمه این متن رو هم براتون مینویسم ;).